4 ildən də az müddətdə Azərbaycanın işğaldan azad edilmiş ərazilərində 38 su elektrik stansiyası (SES) istifadəyə verilib, bu isə 620 min ton karbon emissiyasının azalmasına kömək edib.

AVESTA.AZ report-a istinadən xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev Bakı İqlim Fəaliyyəti Həftəsinin (BCAW2025) 3-cü günündə bildirib.

Onun sözlərinə görə, bu gün Azərbaycan Qarabağ və Şərqi Zəngəzurda -"sıfır emissiya zonası" elan edilmiş ərazilərdə genişmiqyaslı bərpa işləri həyata keçirir: "Urban planlaşdırmada bütün davamlılıq prinsipləri nəzərə alınır ki, bu ərazilərdə tikilən mühit sağlam və dayanıqlı olsun".

Sədr vurğulayıb ki, bu regionlarda 12 şəhər üçün Baş Plan hazırlanır, onlardan 8-i artıq müasir urban və ekoloji prinsiplərlə tamamlanıb, 90 kənd və qəsəbənin planlaşdırılması aparılıb.