Konqo Demokratik Respublikasında Ebola virusunun yayılması davam edir.

AVESTA.AZ xəbər verir ki, ölkənin Səhiyyə Nazirliyinin məlumatına əsasən, təsdiqlənmiş yoluxma sayı 381-ə yüksəlib, 63 nəfərin isə həyatını itirdiyi bildirilir.

Rəsmilər qeyd ediblər ki, hazırda təxminən 233 nəfər ya izolyasiya şəraitindədir, ya da müalicə alır və onların test nəticələri gözlənilir.

Səhiyyə qurumlarının açıqlamasına görə, beynəlxalq təşkilatların dəstəyi ilə test imkanları genişləndirilib və nümunələrin böyük hissəsi qısa müddətdə analiz edilir.

Həkimlər bildirirlər ki, təmasların izlənməsi və yoluxma zəncirinin müəyyənləşdirilməsi istiqamətində işlər davam etdirilir.

Qeyd edək ki, Konqo Demokratik Respublikası mayın 15-də Ebola epidemiyası elan etmişdi. Ümumdünya Səhiyyə Təşkilatı isə vəziyyəti beynəlxalq səviyyədə sağlamlıq fövqəladə halı kimi qiymətləndirib.