2022-ci ildə Dövlət Neft Fondundan (ARDNF) dövlət büdcəsinə transfertin məbləği 11 517,5 milyon manat proqnoza qarşı 3 594,5 milyon manat az və yaxud 7 923 milyon manat icra edilib ki, bu da son 5 ilin ən aşağı göstəricisidir, büdcə gəlirlərinin artmasının nəticəsidir.

"AVESTA.AZ" xəbər verir ki, bunu Milli Məclisin bu gün keçirilən plenar iclasında, "2022-ci ilin dövlət büdcəsinin icrası haqqında" qanun layihəsinin I oxunuşda müzakirəsi zamanı parlamentin İqtisadi siyasət, sənaye və sahibkarlıq komitəsinin sədri Tahir Mirkişili bildirib.

Onun sözlərinə görə ötən il büdcə gəlirləri 29 197,8 milyon manat proqnoza qarşı 30 679,6 milyon manat, yəni 1 481,8 milyon manat və yaxud 5,1 % cox icra olunub.

"Gəlirlərin tərkibində qeyri-neft sektoru üzrə daxilolmalar 15 350 milyon manat təşkil edib ki, bu da proqnozdan 1 689,7 milyon və yaxud 12,4 % çox olub. Qeyri-neft sektoru üzrə büdcə gəlirlərinin artması onun dövlət büdcəsinin ümumi gəlirlərində xüsusi çəkisini nəzərdə tutulmuş 47 %-dən 50 %-ə qədər artırınb.

Hesabat ilində dövlət büdcəsinin neft sektoru üzə daxilolmaları 15,329.6 milyon manat olub ki, bu da proqnozdan 145,2 milyon manat azdır. Neft sektoru üzrə büdcə gəlirlərinin dövlət büdcəsinin ümumi gəlirlərində xüsusi çəkisi nəzərdə tutulmuş 53 %-dən 50 %-ə qədər azalıb.

2022-ci ildə vergi orqanlarının xətti ilə dövlət büdcəsinə daxilolmalar 15 543 milyon manat olub ki, bu da proqnozdan 3 803,2 milyon manat çoxdur. Qeyd etmək istərdim ki, proqnozdan artıq daxil olan bu 3,8 milyard manatın 3,4 milyard manatı neft sektorundan vergi daxilolmalarının artması hesabına baş verib. Neftin qiymətinin təsdiq edilmiş qiymətdən 21,9 %, təbii qazın qiymətinin isə 2 dəfə çox olması bu sahələrdən vergi daxilolmalarını artırıb. Eyni zamanda iqtisadiyyatın sektorları üzrə inflasiya hesabına dövriyyələrin artması da vergi daxilolmalarının artımına səbəb olub.

Dövlət büdcəsinə daxil olan vergilərin 52,3 %-i, yəni 8 136,3 milyon manatı qeyri-neft sektorunun, 47,7 %-i, yəni 7 406,6 milyon manatı isə neft sektorunun payına düşür. Eyni zamanda, vurğulamaq istərdim ki, 2022-ci ildə vergi orqanları xətti ilə 495,9 milyon manat artıq ödənilmiş vəsait geri qaytarılıb.

Dövlət Gömrük Komitəsinin xətti ilə dövlət büdcəsinə daxilolmalar isə 5 654,6 milyon olub ki, bu da proqnozdan 1 049,6 milyon manat çoxdur. Artım əsasən idxalın həcminin 24,2 % artması ilə izah olunur.

Büdcət təşkilatlarının ödənişli xidmətlərindən daxilolmalar isə 834 milyon manat proqnoza qarşı 804,1 milyon manat, yəni 29,9 milyon manat az təşkil edib.

Səhmlərində dövlətin payı olan müəssisələrdən alınan dividendlərin məbləği 130,7 milyon manat təşkil edib.

Dövlət maliyyə nəzarəti tədbiləri nəticəsində ümumilikdə 60 milyon manatdan çox vəsiat dövlət büdcəsinə bərpa olunub",- deyə o qeyd edib.