Ukrayna prezidentinin müşaviri Mixail Podolyak Le Point nəşrinə müsahibəsində Vladimir Zelenskinin Vaşinqtona səfəri zamanı Ağ Evdəki davranışına görə üzr istəməyəcəyini bəyan edib.

BAKU.WS xəbər verir ki, Podolyakın sözlərinə görə, Zelenski ABŞ tərəfdaşlarına Rusiyaya təzyiq olmadan heç bir irəliləyişin mümkün olmayacağını çatdırmaq istəyib və bunda tamamilə haqlıdır. O, Ukraynanın olmadığı bir səhvə görə üzr istəməyəcəyini vurğulayıb.

Xatırladaq ki, 28 fevralda ABŞ prezidenti Donald Tramp və Zelenski arasında Ağ Evdə baş tutan görüş gərgin keçib. Tramp, Ukrayna prezidentini ABŞ-a qarşı hörmətsizlikdə və minnətdarlıq göstərməməkdə ittiham edib. Həmçinin, Kiyevin atəşkəsə razı olmamaqla zəif mövqedə olduğunu bildirib. Müzakirə mübahisə ilə yekunlaşıb və Zelenskinin mətbuat konfransı ləğv olunaraq o, Ağ Evi tərk etməli olub.

Bu insidentdən sonra, 4 martda Ağ Ev Ukraynaya hərbi yardımın dayandırıldığını rəsmən təsdiqləyib. ABŞ rəsmiləri Kiyevin Rusiya ilə sülh danışıqlarına açıq olmadığını əsas gətirərək Ukraynaya kəşfiyyat məlumatlarının ötürülməsini də dayandırıblar. Vaşinqtonun tələbi ilə Böyük Britaniya da bu cür məlumat mübadiləsini kəsib.