İstanbuldakı gecə klublarına edilən narkotik əməliyyatı zamanı adı hallanan Can Yaman İtaliyaya dönərək iddiaları təkzib edib.

AVESTA.AZ xəbər verir ki, o, sosial mediada paylaşdığı açıqlamada "Türk mətbuatı həmişə mənə qarşı qərəzli olub, amma siz bunu etməyin" deyib və ittihamların əsassız olduğunu bildirib.

Yaman həmçinin qeyd edib ki, əgər iddialarda həqiqət payı olsaydı, o, qısa müddətdə sərbəst buraxılıb İtaliyaya qayıda bilməzdi. Sənətçi mesajını italiyalı fanatlarına sevgisini bildirərək bitirib.