“Mənə heç kim deməyib ki, “Yalnış anlama-2” filmində Pərvinin rolunu oynayacaqsan. Onlar məni “Yalnış anlama-1” filminin çəkilişlərindən sonra tanıdılar. Mənə dedilər ki, 2-ci layihəmizdə sən olacaqsan. Sonra aktyor, aktrisaların kim olduğunu bildim. Rolumu soruşanda mənə dedilər ki, səndə əsas roldur. Mənə ssenarini yolladılar, gedib Türkiyədə çəkilib gəldim. Pərvinin orada rolunun hansı olacağını da  heç bilmirdim. Mənim üçün fərq etmir, kim çəkilirsə çəkilsin. Əsas odur ki, keyfiyyətli iş ortaya çıxsın. Mənim heç kimlə problemim yoxdur, həmçinin də Pərvinlə”.

Bunu açıqlamasında aktrisa Gülşən Hüseynli Pərvin Abıyevanın “Mənim yerimə baş rolda Gülşəni çəkdilər” sözünə qarşılıq olara bildirib. O daha sonra əlavə edib.

“Filmin çəkilişləri Türkiyədə başladı, Azərbaycanda tamamlandı. Güclü bir aktyor komandası və çəkiliş kollektivi ilə maraqlı film ərsəyə gətirmişik. Film çəkilişləri zamanı mənim aktrisalıq qabiliyyətim onların diqqətini çəkdi və Türkiyə mediasında mənim haqda xəbərlər çıxdı. Türkiyənin ustad aktyoru Yılmaz Qruda “Türk sinemasında yeni bir yıldız doğdu” deyə deyib məni sevindirdi. Bundan sonrakı fəaliyyətimi də Türkiyədə davam etdirəcəm. Bizdə film sektorunda böyük bir gərginlik var. Artıq 2 ildir ki, heç bir serial, film çəkilmir. Əməkhaqqı da çox azdır. Ona görə də xarici ölkələrdə bu işi edənlər çox yüksək maaş alırlar, istədikləri kimi yaşayırlar. Bizdə isə film sektoru çöküb. Azərbaycanda çox şey tanışlıqladır. Çünki təsadüfi aktyorlar, aktrisalar çoxdur. Bəzilərinin heç bu sənətdən anlayışı belə yoxdur. Ağlı başında olan rejissor onları heç vaxt çəkməz. Özlərini kamilləşdirmirlər, oxumurlar, öyrənmirlər elə bilirlər ki, belə də davam edəcək. Hər kəs aktyor ola bilməz, bu Allahın vergisidir. Bu oxumaqla deyil, istedad insanın özündə olmalıdır. Seriallarda, filmlərdə eyni insanlardır. Mən düşünürəm ki, bu tanışlıqla olur” deyə aktrisa bildirib. (Moderator)