“Son bir həftə ərzində Ukrayna Prezidenti Volodimir Zelenskinin həyatına azı 3 dəfə sui-qəsd cəhdi olub”.

Avesta.az xəbər verir ki, bunu Britaniyanın "The Times" qəzeti yazıb.

Ukrayna prezidentini öldürmək üçün Kreml tərəfindən dəstəklənən "Vaqner" muzdluları və Çeçenistanın xüsusi təyinatlılarından ibarət iki müxtəlif dəstə göndərilib. Nəşrin xəbərinə görə, hər dəfə sui-qəsd cəhdlərinin qarşısı Ukrayna ilə müharibənin əleyhinə çıxan Rusiya Federal Təhlükəsizlik Xidməti əməkdaşlarının sayəsində alınıb.

"Vaqner" muzdluları üç sui-qəsddən ikisinə görə məsuliyyət daşıyır. Onlar itkilərə məruz qalıb və qəzetin qruplaşmalara yaxın mənbələrinin məlumatına görə, Zelenskinin mühafizəsinin onların hərəkətlərini öncədən təxmin etdiyinə heyran qalıb. Onların cəhdi uğurlu olsaydı, Rusiya özünün burada əli olduğunu inkar edəcəkdi.

"Onlar oraya rusların inkar etmək istədiyi səs-küy yaradacaq missiya ilə yola düşüb: dövləti başsız qoymaq nəhəng missiyadır. Rusiya siyasətinə təsiri nöqteyi-nəzərindən bu, ola bilsin, onların indiyədək icra etdikləri ən böyük missiya olacaqdı. Bu, müharibəyə ən böyük təsir göstərə bilərdi", - deyə diplomatik mənbə qəzetə bildirib.

Ötən şənbə Kiyev ətrafında Zelenskinin həyatına daha bir sui-qəsdin qarşısı alınıb. Ukrayna təhlükəsizlik xidməti nümayəndələri bəyan edib ki, çeçen qatillərindən ibarət qrup Ukrayna prezidentinə yaxınlaşmazdan öncə zərərsizləşdirilib.

Münaqişənin əvvəlində ABŞ Zelenskiyə Kiyevin mühasirədə olduğu müddətdə şəhərdən təxliyə edilməsini təklif etsə də, o, bundan imtina edib. "Burada döyüş gedir, mənə yol yoldaşı yox, silah-sursat lazımdır" - o,  belə deyib. Bu barədə "Associated Press" məlumat verib.

"Detaly", İsrail