Bir tədqiqatçılar qrupu Parkinson xəstəliyindən əziyyət çəkən pasientin bağırsağında daimi dərmanlar mənbəyi ifraz edən bakteriya yaradıb.

Bu barədə "İnteresting Engineering" portalı məlumat verib.

 

ABŞ- ın Corciya universitetinin alimləri geni dəyişdirilmiş bağırsaq çöpü bakteriyalarını yaradıb, onlar pasientin orqanizmində yaşaya və dofaminin sələfi levodopa maddəsinin ifrazı hesabına Parkinson xəstəliyinin səmərəli müalicə vasitəsi ola biləcək. Məhz bu maddə Parkinson xəstəliyi ilə mübarizədə geniş istifadə edilir, çünki o, pasientin baş beynində dofaminin çatışmazlığını əvəz edir.

 

Tədqiqat müəllifləri levodopanın fasiləsiz istehsalı üçün yaradılan insanın E.coli Nissle 1917 probiotikinin yeni ştammının işlənib hazırlanmasında irəliyə doğru daha bir addım atıb.

Kliniki eksperimentlərin gedişində tədqiqatçılar göstərib ki, yeni müalicə metodu nəinki təhlükəsizdir və yaxşı təsir edir, həm də digər müalicə metodlarından istifadə zamanı meydana çıxa biləcək yan təsirləri aşağı salır.

 

"Yeni nəsil mikrob mühəndisliyinin bu texnologiyası elə işlənib hazırlanıb ki, Parkinson xəstəliyi olan pasientlər özləri levodopanı istehsal edə bilsin", - professor Anumanta Kantasami danışıb.

 

"Biz bağırsaq üçün faydalı olan probiotik bakteriyaları işləyib hazırlamışıq, onlar levodopanı sabit səviyyədə istehsal etməyə imkan verir, beləliklə də hər bir pasientə lazım olan dozaynı uyğunlaşdırmaq mümkün olacaq", - doktorant Piyuş Padxi əlavə edib.

 

Hazırda komanda dərmanların fasiləsiz dozasını tələb edən digər vəziyyətlər üçün, məsələn, Altsqeymer xəstəliyi və kliniki delressiyanın müalicəsi üçün strategiyanın dəyişilməsinə köklənib.

 

Hələlik alimlər FDA (qida maddələri və dərmanların keyfiyyətinə sanitar nəzarət üzrə Departament) tərəfindən bəyənilməsini gözləyir, tədqiqatın növbəti mərhələsinə- modifikasiya edilən bakteriyaların optimallaşması və insanlar üzərində sınaqdan keçirilməsinə hazırlıq gedir.